طريقة عمل حلاوة المولد -سمسمية -فولية -ملبن -كل عام وانتم بخير -حلويات شرقية

من طرف Aya الإثنين أبريل 24, 2017 7:29 am

اللهم صل علي سيدنا محمد وعلي اله وصحبه وسلم
كل عام وانتم بخير يا اجمل اعضاء منتدي ساحر بمناسبة المولد النبوي الشريف
حلويات المولد في منها انواع سهلة جدا وممكن تتعمل في البيت وانا شخصيا بحب اعملها
ومن اكتر الانواع اللي بحبها السمسمية والفولية والملبن
ولما اخواتي طلبوا مني الطريقة وعدهم اني اصورها المرة دي وانزلها
وهي في منتهي البساطة
ونبدأ بالسمسمية

مقادير السمسمية :
نص كيلو سمسم محمص ونفرده في صينية ونحطه في الفرن علشان يكون دافي اثناء العمل (خطوة مهمة جدا)

150جرام سكر +150جرام عسل جلوكوز
يعني حوالي نص كوب سكر واقل شوية من النص جلوكوز
حبة مية صغيرين اوي اقل من ربع كوب
(الجلوكوز موجود بالكيلو في محلات بيع لوازم الحلويات)

الطريقة:
نحط السكر والجلوكوز والمية في طاسة واسعة

نحطهم علي النار لغاية ما يغلوا

يوصلوا للمرحلة انهم يعملوا الشكل دة (خيوط من السكر بين الشوكتين وهو المفروض بين الاصابع بس طبعا بيكون سخن جدا)

وبسرعة نحط السمسم الدافي ونقلب كويس

نكون مجهزين صينية او قالب مدهون زيت ونفرد فيه السمسمية بالنشابة او بضهر معلقة مدهونة زيت

هي هتتماسك بسرعة واقلبها

احاول اقطعها وهي لسة طرية شوية علشان متتكسرش اثناء التقطيع

الفولية هنعملها بنفس المقادير والطريقة

وطبعا بنفس الطريقة ممكن نعمل الحمص او البندق او الفستق او اللوز

الملبن في المشاركة الجاية ان شاء الله

طريقة عمل حلاوة المولد -سمسمية -فولية -ملبن -كل عام وانتم بخير -حلويات شرقية Almstba.co_1371578227_178

طريقة عمل حلاوة المولد -سمسمية -فولية -ملبن -كل عام وانتم بخير -حلويات شرقية Almstba.co_1371578227_178

للوصول الي منفذ الدردشة وتصفح جميع اقسام الموقع يرجا الضغط هنــــــا او زيارة موقعنا الجديد بالبحث في جوجل عن دردشة ساحر او الدخول المباشر من خلال الرابط التالي: http://sa7er.com
ـــــــــــــــــــــــــــــــــــــــــــــــــــــــــــــــــــــــــــ
ولظهور جميع روابط التحميل المباشره والاستمتاع بمزيا اخري يرجا التسجيل بالمنتدي اولا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
flower