♥♥♥لو بتحبى بسبوسه العبد بالبندق تعالى هعملك احلى منها تحدددددددددددددى

من طرف Aya الإثنين أبريل 24, 2017 7:53 am

السلام عليكم ورحمة الله وبركاته

عاملين ايه يا رب تكونوا بخير

انهارده هنعمل بسبوسه زى الجاهزه الى فى انظف محلات الحلوانى
زى العبد وخلافه نفس الشكل والطعم والملمس وجربى بنفسك
بس اهم حاجه المقادير والملاحظات تتنفذ بالضبط

انا بعمل المقادير بالميزان يعنى بالجرام بس حولتهلكم بالكوب علشان تسهل عليكم
والكوب المقصود هو المج الشفاف بتاع الشاى واعتقد ده موجود فى كل بيت

المقادير

نص كيلو بسبوسه من عند العطار سايبه الاكياس لا
1 كوب سكر
تلت كوب جوز هند
معلقه صغيره بيكنج باودر
3 ملاعق كبار سمن بلدى او زيت دره وبتطلع حلوة اووة بالزيت كمان
كوب الا ربع ماء
تلت كوب سيرب تقبل
يعنى تحطى 3 ملاعق سكر وعليهم معلقتين مايه ونص ليمونه على النار لغايه ما يبقوا زى قوام العسل كده
بندق مجروش او اى مكسرات تانيه حسب الرغبه

السيرب او الشربات
2 كوب ماء
2 كوب سكر
عصير ليمونه

ويتحط على النار حتى الغليان
وشربات البسبوسه شربات خفيف وساخن
اكرر تانى الشربات يكون خفيف وساخن وهنسقى بيه البسبوسه وهى ساخنه
الاتنين ساخنيين وده السر انها تطلع طريه وماسكه نفسها مش مفروله وبتتقطع قطع وزى الجاهزة بالضبط

الطريقه

هنحط كل المكونات على بعض ونقلب بسسسسسسسس
منعجنش خالص البسبوسه مش محتاجه عجن ولا لت زى اى معجنات او كيكه
المقادير ده هتدينا عجينه ماسكه ومفروله شويه وده المطلوب

ومجرد ما يختلطوا شويه نجيب صينيه مدهونه زيت او سمن ونحطهم فيها
بس من غير دهان طحينه او اى حاجه بصراحه مش مقتنعه ان الطحينه طعمها مش هيبان
كمان المحلات ده الى بتعمل كميات هتشترى اد ايه طحينه
لا طبعا مبتدهنش طحينه خالص

وهنحط عليها بندق مجروش او لوز او حتى سودانى او ممكن ساده حسب الرغب

وندخلها الفرن على درجه حراره متوسطه لغايه ما لونها يبقى دهبى

وعلطول وهى سخنه والشربات بيغلى اسقيها مباشره
وهتلاقيها بتشرب الشربات فوووووورا وبسرعه جدا وده دليل انها نجحت معاكى

نسيبها تبرد تماما وبعد كده نقطعها عادى وبالهنا والشفا

شايفيين مش لازقه فى الصينيه من غير طحينه ولا بليله هههههه

ده طبق حضرته لمامتى وغلفته علشان اخده معايا وانا رايحه

شايفين متماسكه ازاى وفى نفس الوقت طريه جدا جدا

وده لاعضاء منتدي ساحر الى مش بيبخلوا عليا بالرد والتقييم

اتمنى تعجبكم وتجربوها ان شاء الله وشوفو بسبوسه عند العبد الكيلو بكام خصوصا ام بندق دلوقتى تقدرى تعمليى ومش هتتكلف ربع تمنها وهتديكى نفس الطعم والشكل كمان

♥♥♥لو بتحبى بسبوسه العبد بالبندق تعالى هعملك احلى منها تحدددددددددددددى Almstba.co_1371578227_178

♥♥♥لو بتحبى بسبوسه العبد بالبندق تعالى هعملك احلى منها تحدددددددددددددى Almstba.co_1371578227_178

للوصول الي منفذ الدردشة وتصفح جميع اقسام الموقع يرجا الضغط هنــــــا او زيارة موقعنا الجديد بالبحث في جوجل عن دردشة ساحر او الدخول المباشر من خلال الرابط التالي: http://sa7er.com
ـــــــــــــــــــــــــــــــــــــــــــــــــــــــــــــــــــــــــــ
ولظهور جميع روابط التحميل المباشره والاستمتاع بمزيا اخري يرجا التسجيل بالمنتدي اولا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
flower